TGPSC : తెలంగాణ గ్రూప్ 1 ప్రిలిమ్స్ ఫలితాలు విడుదల.. రిజల్ట్స్ ఇలా చెక్ చేసుకోండి

TGPSC : టీజీపీఎస్సీ నిర్వహించిన తెలంగాణ గ్రూప్ 1 ప్రిలిమ్స్ ఫలితాలు తాజాగా విడుదలయ్యాయి. ప్రిలిమ్స్ లో క్వాలిఫై అయిన అభ్యర్థుల వివరాలను టీజీపీఎస్సీ విడుదల చేసింది. ప్రిలిమ్స్ పరీక్ష ఫైనల్ కీని కూడా వెబ్ సైట్ లో అధికారులు పొందుపరిచారు.

https://www.tspsc.gov.in/ అధికారిక వెబ్ సైట్ లోకి వెళ్లి ఫలితాలను చెక్ చేసుకోవచ్చు. పీడీఎఫ్ డౌన్ లోడ్ చేసుకొని తమ హాల్ టికెట్ నెంబర్ ను అభ్యర్థులు అందులో చెక్ చేసుకోవచ్చు. గ్రూప్ 1 ప్రిలిమ్స్ తర్వాత మెయిన్స్ పరీక్ష ఉంటుంది. 1 పోస్టుకు 50 మంది అభ్యర్థుల చొప్పున మెయిన్స్ కోసం అభ్యర్థులను ఎంపిక చేశారు.

వచ్చే అక్టోబర్ నెల 21 నుంచి 27 వరకు గ్రూప్ 1 మెయిన్స్ పరీక్షలను టీజీపీఎస్సీ నిర్వహించనుంది. మెయిన్స్ కు 31,382 మంది అభ్యర్థులు అర్హత సాధించారు. జూన్ 9 న ప్రిలిమ్స్ నిర్వహించగా.. నెల రోజుల్లోనే ప్రిలిమ్స్ ఫలితాలను టీజీపీఎస్సీ విడుదల చేసింది.

అయితే.. గ్రూప్ 1 పరీక్షకు దాదాపు 3 లక్షల మంది అభ్యర్థులు హాజరు కాగా.. అందులో కేవలం 30 వేల మంది మాత్రమే మెయిన్స్ కు హాజరయ్యారు. అంటే.. 10 శాతం మంది అభ్యర్థులు మాత్రమే మెయిన్స్ కు అర్హత సాధించారు.

TGPSC : గ్రూప్ 1 మెయిన్స్ లో ఆరు పేపర్లు

గ్రూప్ 1 మెయిన్స్ లో ఆరు పేపర్లు ఉంటాయి. ఒక్కో పేపరు 3 గంటల పాటు ఉంటుంది. ఇది రాత పరీక్ష. మధ్యాహ్నం 2.30 నుంచి సాయంత్రం 5.30 వరకు పరీక్షలను నిర్వహిస్తారు. జనరల్ ఇంగ్లీష్ తో పాటు ఆప్షనల్ సబ్జెక్ట్స్ ఉంటాయి.